by సూర్య | Fri, Jan 14, 2022, 11:32 AM

అక్కినేని నాగార్జున, చైతన్య, కృతిశెట్టి, రమ్యకృష్ణ నాగ కాంబినేషన్‌లో బంగార్రాజు సినిమా ప్రీమియర్ షోలు ప్రారంభమయ్యాయి. దీంతో ట్విట్టర్‌లో అక్కినేని అభిమానుల హవా కూడా నెలకొంది. ఈ సినిమాపై పలు ట్వీట్లు చేస్తున్నారు. కళ్యాణ్ కృష్ణ రూపొందించిన ఈ చిత్రం 'సోగ్గాడే చిన్ని నాయనా'కి సీక్వెల్‌గా తెరకెక్కుతోంది. వీటిని అన్నపూర్ణ స్టూడియోస్ మరియు జీ స్టూడియోస్ బ్యానర్‌పై నాగార్జున స్వయంగా నిర్మించారు. అనూప్ రూబెన్స్ ఈ చిత్రానికి సంగీతం అందించారు. తండ్రీకొడుకుల కాంబినేషన్‌లో వస్తున్న 'బంగార్రాజు' సినిమాపై మొదటి నుంచి భారీ అంచనాలు నెలకొన్నాయి. వీరిద్దరి పెర్ఫార్మెన్స్ ఆకట్టుకునేలా ఉందని నెటిజన్లు ట్వీట్లు చేస్తున్నారు. ఇంటర్వెల్ నుంచి క్లైమాక్స్ వరకు డిఫరెంట్ లెవల్ ర్యాంప్ ఉందని మరో నెటిజన్ ట్వీట్ చేశాడు. సెకండాఫ్ నాగ చైతన్య, నాగ్ మాస్ యాక్టింగ్ తో సాగింది. నాగార్జున, నాగ చైతన్య యాక్టింగ్, కొన్ని మాస్ సీన్స్, కలర్ ఫుల్ సాంగ్స్, హీరోల కాంబో సీన్స్ సినిమాకు ప్లస్ పాయింట్స్, ఎమోషనల్ సీన్స్ పండకపోవడం, స్క్రిప్ట్ ఫ్లాట్ కావడం, స్క్రీన్ ప్లే స్లో కావడం. మొత్తంమీద, 'బంగార్రాజు' ఒక ఫన్ అండ్ ఫ్యామిలీ ఎంటర్‌టైనర్‌తో కూడిన సోషియో-ఫాంటసీ డ్రామా.