by సూర్య | Sat, Nov 20, 2021, 11:38 AM

రాజమౌళి దర్శకత్వంలో రామ్ చరణ్, జూనియర్ ఎన్టీఆర్ లు హీరోలుగా తెరకెక్కుతున్న చిత్రం 'ఆర్ఆర్ఆర్'. ఈ చిత్రంలో అల్లూరి సీతారామరాజుగా రామ్ చరణ్, కొమురం భీంగా జూనియర్ ఎన్టీఆర్ నటిస్తున్నారు. ఈ చిత్రంలో అలియా భట్, ఒలివియా మోరిస్ హీరోయిన్లుగా నటిస్తున్నారు. ఈ సినిమా ప్రమోషన్స్‌ని వేగవంతం చేసింది చిత్ర యూనిట్. తాజాగా ఈ చిత్రంలోని లిరికల్ వీడియో సాంగ్ సోషల్ మీడియాలో వైరల్ కావడమే కాకుండా యూట్యూబ్ ని షేక్ చేసింది. ఇటీవల విడుదలైన నాటు నాటు మాస్ ఎండ్ లిరికల్ వీడియోకి సూపర్ రెస్పాన్స్ వస్తోంది. ఈ పాటకు ఇప్పటివరకు రెండు మిలియన్లకు పైగా లైక్స్ వచ్చాయి. అజయ్ దేవగన్, శ్రియా శరణ్, సముద్ర ఖని కీలక పాత్రల్లో నటిస్తున్న ఈ సినిమా వచ్చే ఏడాది జనవరి 7న ప్రపంచవ్యాప్తంగా విడుదల కానుంది.