'ఎనిమీ' ట్రైలర్: ఇద్దరు ప్రాణ స్నేహితులు కానీ శత్రువులు..

by సూర్య | Sat, Oct 23, 2021, 07:27 PM

కోలీవుడ్ స్టార్ హీరోలు విశాల్ - ఆర్య కలిసి నటిస్తున్న హై వోల్టేజ్ యాక్షన్ ఎంటర్టైనర్ ''ఎనిమీ''. ఆనంద్ శంకర్ దర్శకత్వంలో తెరకెక్కుతున్న ఈ చిత్రంలో ‘గద్దల కొండ గణేష్’ ఫేమ్ మృణాళిని రవి హీరోయిన్ గా నటిస్తోంది. దీపావళి కానుకగా నవంబర్ 4న ఈ చిత్రాన్ని థియేట్రికల్ రిలీజ్ చేస్తున్నారు. ఈ నేపథ్యంలో తాజాగా ట్రైలర్ ను చిత్ర యూనిట్ విడుదల చేసింది.


ట్రైలర్ లో విశాల్ - ఆర్య ఇద్దరూ చిన్నప్పటి నుండి మంచి స్నేహితులుగా.. ప్రకాష్ రాజ్ - తంబి రామయ్య వారి తండ్రులుగా కనిపిస్తున్నారు. పోటీ వస్తే మీరిద్దరూ శత్రువులే.. కానీ మిగతా సమయాల్లో మీరు బెస్ట్ ఫ్రెండ్స్ అని ప్రకాష్ రాజ్ వాళ్ళకి చెబుతున్నారు. అయితే సింగపూర్ లో ఓ ప్రమాదంలో 11 మంది మరణించగా.. దానికి ఆర్య కారణమని అనుమానించి పోలీసులు అరెస్టు చేసినట్లు తెలుస్తోంది. విశాల్ ఇందులో పోలీసు పాత్రలో కనిపిస్తున్నారు.


భారీ యాక్షన్ సీక్వెన్సులు - ఛేజింగ్ సన్నివేశాలతో నిండిన ఈ యాక్షన్ ప్యాకెడ్ ట్రైలర్ విశేషంగా ఆకట్టుకుంటోంది. ప్రొడక్షన్ వాల్యూస్ చాలా రిచ్ గా ఉన్నాయి. సినిమాటోగ్రాఫర్ ఆర్డి రాజశేఖర్ అందించిన విజువల్స్ అద్భుతంగా ఉన్నాయి. ఇందులో విలక్షణ నటుడు మమతా మోహన్ దాస్ - కరుణాకరన్ ఇతర పాత్రల్లో కనిపిస్తున్నారు.


శత్రువులుగా మారిన ఇద్దరు ప్రాణ స్నేహితుల కథే 'ఎనిమీ' సినిమా అని తెలుస్తోంది. స్నేహితులైన విశాల్ - ఆర్య శత్రువులుగా ఎలా మారారు? దీని వెనకున్న అసలు కథేమిటి? అనేది తెలియాలంటే 'ఎనిమీ' సినిమా విడుదలయ్య వరకు ఆగాల్సిందే. ఈ చిత్రానికి ఎస్.ఎస్ థమన్ సాంగ్స్ కంపోజ్ చేయగా.. శ్యామ్ సీఎస్ బ్యాగ్రౌండ్ స్కోర్ సమకూర్చారు. రేమాండ్ డేర్రిక్ క్రాస్తా ఎడిటింగ్ వర్క్ చేయగా.. రవి వర్మ యాక్షన్ కొరియోగ్రఫీ చేశారు.


మినీ స్టూడియోస్ పతాకంపై వినోద్ కుమార్ ఈ చిత్రాన్ని నిర్మిస్తున్నారు. 'వాడు - వీడు' సినిమా వచ్చిన పదేళ్ల తర్వాత విశాల్ - ఆర్య స్క్రీన్ షేర్ చేసుకుంటున్నారు. 'పెద్దన్న' చిత్రానికి పోటీగా స్టైలిష్ యాక్షన్ థ్రిల్లర్ గా వస్తున్న ''ఎనిమీ'' ఎలాంటి విజయాన్ని అందుకుంటుందో చూడాలి.

Latest News
 
సూర్య కొత్త సినిమాపై అప్‌డేట్ Fri, Mar 29, 2024, 02:24 PM
లాంగ్ బ్లాక్ గౌన్ లో బుట్టబొమ్మలా రష్మీ Fri, Mar 29, 2024, 01:44 PM
మూవీ రివ్యూ: “టిల్లు స్క్వేర్” Fri, Mar 29, 2024, 12:45 PM
నేడు విడుదలకి సిద్ధమైన ‘గాడ్జిల్లా అండ్‌ కాంగ్‌’ Fri, Mar 29, 2024, 12:03 PM
ఏప్రిల్ 22న టైటిల్ చెబుతాం Fri, Mar 29, 2024, 12:01 PM