by సూర్య | Tue, Jun 01, 2021, 12:11 PM
పవన్ కళ్యాణ్ ఇటీవలే వకీల్ సాబ్ సినిమాతో రీఎంట్రీ చేసి బ్లాక్ బస్టర్ హిట్ అందుకున్నాడు. కరోనా రావడంతో ఆయన కొద్ది రోజుల పాటు చికిత్స తీసుకొని కోలుకున్నారు. రెండు నెలల పాటు ఆయనకు పూర్తి విశ్రాంతి కావాలని వైద్యులు చెప్పడంతో ఇంటికే పరిమితమయ్యారు. అయితే తాజాగా హరిహర వీరమల్లు సినిమాలో పవన్ క్యారెక్టర్ గురించి ఇండస్ట్రీ వర్గాలలో పలు క్రేజీ రూమర్స్ వైరల్ అవుతున్నాయి. పలు కథనాల ప్రకారం.. వీరమల్లు సినిమాలో పవన్ త్రిపాత్రాభినయం చేయనున్నట్లు సమాచారం. ఈ సినిమాలో 'వీరమల్లు' అనే వజ్రాల దొంగ పాత్రలో పవన్ కనిపించనున్నాడు. దీంతో ఆయన లుక్ డిఫరెంట్ గా ఉండనుంది. అయితే కథాపరంగా ఆయన మరో రెండు డిఫరెంట్ లుక్స్ లో కూడా కనిపించనున్నాడనే టాక్ కొత్తగా వినిపిస్తోంది. తనని అన్వేషిస్తున్న సైనికుల నుంచి తప్పించుకోవడం కోసం ఆయన గెటప్స్ మారుస్తాడా? లేదంటే అలాంటి సందర్భం మరేదైనా ఉందా? అనేది ఇప్పుడు మరింత ఆసక్తిని రేకెత్తిస్తోంది. నిధి అగర్వాల్ కథనాయికగా నటిస్తున్న ఈ సినిమాలో,బాలీవుడ్ నటీనటులు కూడా ముఖ్యమైన పాత్రలను పోషిస్తున్నారు.
Latest News