కోలీవుడ్ థియేటర్లను దడదడలాడించేస్తోన్న ధనుశ్ 'కర్ణన్'

by సూర్య | Sat, Apr 10, 2021, 02:09 PM

ధనుశ్ తాజా చిత్రంగా వచ్చిన 'కర్ణన్' విమర్శకుల నుంచి  ప్రశంసలు దక్కించుకుంటుంది. మొదటి నుంచి కూడా ధనుశ్ విభిన్నమైన కథలకు .. విలక్షణమైన పాత్రలకు ప్రాధాన్యతనిస్తూ వస్తున్నాడు. గత కొంతకాలంగా ఆయన చేస్తూ వస్తున్న సినిమాలను పరిశీలిస్తే, వైవిధ్యానికి ఆయన పెద్దపీట వేస్తాడనే విషయం అర్థమవుతుంది. అలా తాజాగా ఆయన నుంచి 'కర్ణన్' అనే సినిమా వచ్చింది. సెల్వరాజ్ దర్శకత్వంలో రూపొందిన ఈ  సినిమా, నిన్ననే అక్కడ భారీ స్థాయిలో విడుదలైంది. ధనుశ్ నటనకి జనం వీలైనన్ని విజిల్స్ కొడుతున్నారు. మలయాళ కథానాయిక రాజీషా విజయన్, ఈ సినిమాతో తమిళ తెరకి పరిచయమైంది. కలైపులి థాను నిర్మించిన ఈ సినిమా, కోలీవుడ్లోని థియేటర్లను దడదడలాడించేస్తోందట. తన గ్రామ ప్రజల హక్కులను కాపాడటం కోసం పోరాడే యువకుడిగా ఈ సినిమాలో ధనుశ్ కనిపిస్తాడు. ధనుశ్ కెరియర్లో ఇది ఓ ప్రత్యేకమైన చిత్రంగా నిలిచిపోతుందనే అభిప్రాయాన్ని అభిమానులు వ్యక్తం చేస్తున్నారు. అక్కడి పత్రికలు ఈ సినిమాను ఆల్ టైమ్ క్లాసిక్ గా పేర్కొనడం విశేషం. త్వరలోనే ఈ సినిమా తెలుగు ప్రేక్షకులను పలకరించే అవకాశాలు ఉన్నాయి.  

Latest News
 
'తలైవర్ 171' టైటిల్ టీజర్ విడుదల ఎప్పుడంటే...! Thu, Mar 28, 2024, 08:24 PM
'గేమ్ ఛేంజర్' డిజిటల్ రైట్స్ ని సొంతం చేసుకున్న ప్రముఖ ప్లాట్ఫారం Thu, Mar 28, 2024, 08:21 PM
'శ్రీరంగనీతులు' ట్రైలర్ లాంచ్ ఈవెంట్ కి వెన్యూ లాక్ Thu, Mar 28, 2024, 08:19 PM
'శశివదనే' నుండి గోదారి అటువైపో సాంగ్ రిలీజ్ Thu, Mar 28, 2024, 08:17 PM
త్వరలో స్మాల్ స్క్రీన్ పై ఎంట్రీ ఇవ్వనున్న 'అంబాజీపేట మ్యారేజ్ బ్యాండ్' Thu, Mar 28, 2024, 08:15 PM