by సూర్య | Tue, Apr 06, 2021, 05:20 PM

వేణు శ్రీరామ్ దర్శకత్వంలో  పవన్ కళ్యాణ్ హీరోగా శృతి హాసన్ హీరోయిన్ గా తెరకెక్కించిన లేటెస్ట్ చిత్రం “వకీల్ సాబ్”. పవన్ కల్యాణ్  'వకీల్ సాబ్' కోసం ఆయన అభిమానులంతా ఎంతగానో ఎదురు చూస్తున్నారు. ఏప్రిల్ 9న ప్రపంచ వ్యాప్తంగా ఈ చిత్రం విడుదల కాబోతోంది. ఈ సినిమాపై ఇప్పటికే భారీ అంచనాలు నెలకొన్నాయి. పవన్ కు ఉన్న ఫాలోయింగ్ వల్ల ఇప్పటికే ఈ చిత్రం భారీగా ప్రీరిలీజ్ బిజినెస్ చేసినట్టు సమాచారం. మరి లేటెస్ట్ గా జరిగిన ప్రీ రిలీజ్ ఈవెంట్ లో పవన్ స్పీచ్ కు మళ్ళీ ఆల్ టైం రికార్డు స్పీచ్ వచ్చింది. ఇక దీనితో పాటుగా ఇప్పుడు ఇదే స్పీచ్ యూట్యూబ్ లో నెంబర్ 1 స్థానంలో ట్రెండ్ అవుతూ వస్తుంది. మరి టాప్ ప్లేస్ లో పవన్ స్పీచ్ ట్రెండింగ్ లో ఉంటే ఆ తర్వాత నెంబర్ 2 స్థానంలో పవన్ కు అపారమైన భక్తుడు ప్రముఖ నిర్మాత బండ్ల గణేష్ స్పీచ్ ట్రెండ్ అవుతూ వస్తుంది. ఇలా తన బాస్ తో పాటుగా బండ్ల కూడా వైరల్ అవుతున్నాడు. అయితే అంతకు ముందు బండ్ల స్పీచ్ శరవేగంగా నెంబర్ 1 లోకి వచ్చేసింది. తర్వాత పవన్ స్పీచ్ వచ్చి అలా కొనసాగుతుంది. మరి వీరి స్పీచ్ లు ఇంకెంత కాలం ట్రెండ్ అవుతాయో చూడాలి. ఇక వేణు శ్రీరామ్ తెరకెక్కించిన ఈ చిత్రం వచ్చే ఏప్రిల్ 9 రిలీజ్ కోసం అంతా ఆసక్తిగా ఎదురు చూస్తున్నారు.