by సూర్య | Sat, Mar 27, 2021, 01:56 PM

 శ్రీరామ్ వేణు దర్శకత్వంలో తెరకెక్కిన చిత్రం ‘వకీల్ సాబ్’. మహిళ ఇతివృత్తంతో ఈ సినిమాను సందేశాత్మకంగా తెరకెక్కించారు. ఈ సినిమా బాలీవుడ్‌లో  బ్లాక్ బస్టర్  ‘పింక్’ సినిమాకు రీమేక్‌గా తెరకెక్కింది. అక్కడ అమితాబ్ బచ్చన్  చేసిన ఆ లాయర్ పాత్రను తెలుగులో పవన్ కళ్యాణ్ చేస్తున్నాడు. అయితే  పవర్ స్టార్ పవన్ కళ్యాణ్‌కు సంబంధించిన ఏ విషయమైన అభిమానులు ఆసక్తిగా ఎదురు చూస్తూ ఉంటారు. ఇప్పటికే ఈ సినిమాకు సంబంధించిన షూటింగ్ పార్ట్‌ను కంప్లీట్ చేసిన పవన్ కళ్యాణ్... తాజాగా ఈ సినిమాకు అత్యంత ముఖ్యమైన  డబ్బింగ్ పనులను పూర్తి చేసాడు. ఈ విషయాన్ని చిత్ర యూనిట్ అఫీషియల్‌గా ప్రకటించారు.ఈ చిత్రంలో పవన్ కళ్యాణ్ సరసన మూడోసారి శృతి హాసన్ హీరోయిన్ గా నటిస్తోంది. ఇక విడుదలకు దగ్గరపడుతుండడంతో ప్రమోషన్స్‌ను మొదలు పెట్టింది చిత్రబృందం. ఈ సినిమాలో పవన్ కళ్యాణ్ సత్యదేవ్ అనే వకీల్ పాత్రలో నటిస్తున్నాడు.