by సూర్య | Tue, Jan 19, 2021, 01:22 PM
కరోనా కష్టకాలంలో వలస కూలీలకు సాయం చేసిన సోనూసూద్.. అప్పటి నుండి ఆపదలో ఉన్న పేదలకు అండగా నిలుస్తూ తన సేవలను కొనసాగిస్తున్నారు. అందుకే సోనూసూద్ ని కొందరు రియల్ హీరో అంటున్నారు. కొంతమంది దేవుడిలా కొలుస్తూ.. గుడులు కూడా కడుతున్నారు.
సోనూసూద్ ఇప్పుడు ఓ అడుగు ముందుకేసి సోనూసూద్ అంబులెన్స్ సర్వీస్ ని ప్రారంభించాడు. ఇటీవల కొన్నివాహనాలను కొనుగోలు చేసి, వాటిని అంబులెన్స్ లుగా మార్చి ప్రజలకు సాయపడేందుకు సిద్దమయ్యాడు. హైదరాబాద్ లోని ట్యాంక్బండ్ ఏరియాలో సర్వీస్ లాంచ్ చేయగా, రానున్న రోజులలో వీటిని మరింత విస్తృతం చేస్తామని సోనూసూద్ అంటున్నాడు.