by సూర్య | Thu, Jan 07, 2021, 01:54 PM

చెన్నై చిన్న‌ది స‌మంత నాగ చైత‌న్య‌ని వివాహం చేసుకొని అక్కినేని కోడ‌లిగా మారింది. పెళ్ళి త‌ర్వాత ఈ ముద్దుగుమ్మ సైలెంట్ అవుతుందేమోన‌ని అంద‌రు భావించ‌గా, వారి అంచ‌నాల‌ను త‌ల‌కిందులు చేస్తూ రెచ్చిపోతుంది. సినిమాలు, వెబ్ సిరీస్‌లు, ఓటీటీలే కాకుండా హాట్ హాట్‌గా ఫొటో షూట్ చేస్తూ త‌న అభిమానుల‌కి మ‌స్త్ మ‌జాని అందిస్తుంది. ఈ మ‌ధ్య హాట్ ఫొటోస్‌తో హీట్ పెంచుతున్న స‌మంత తాజాగా మ‌రో హాట్ ఫొటో షేర్ చేసింది. 

‌బ్లాక్ కలర్ టాప్, గోల్డ్ కలర్ ప్యాంట్ ధ‌రించి మ‌త్తెక్కించే క‌ళ్ళ‌తో చూస్తున్న స‌మంత ఫొటో నెట్టింట వైర‌ల్‌గా మారింది. ఈ ఫొటో త‌క్కువ‌ స‌మ‌యంలోనే  16 లక్షల లైకులను దక్కించుకుంది.ఇక త‌న ఇన్‌స్టాగ్రామ్‌లో వ‌ర్క‌వుట్‌కు సంబంధించి కూడా ఓ వీడియో షేర్ చేసింది. ఇందులో స‌మంత చేస్తున్న ఆస‌నాలు నెటిజ‌న్స్‌ని ఎంత‌గానో ఆక‌ట్టుకుంటున్నాయి. త‌ను ఇంత ఫిట్‌గా ఉండ‌డానికి కార‌ణం ఇలాంటి ఆస‌నాలే అయి ఉంటాయ‌ని నెటిజ‌న్స్ కామెంట్స్ పెడుతున్నారు. స‌మంత ప్ర‌స్తుతం ది ఫ్యామిలీ మెన్ 2 వెబ్ సిరీస్‌తో పాటు శాకుంత‌లం అనే చిత్రం చేస్తుంది. 

కాగా స‌మంత సాకి పేరుతో వ‌స్త్ర దుకాణం న‌డుపుతున్న సంగ‌తి తెలిసిందే. దీనికి బ్రాండ్ అంబాసిడ‌ర్‌గా స‌మంత‌నే వ్య‌వ‌హ‌రిస్తుండ‌గా, ఈ బ్రాండ్ ప్ర‌మోష‌న్స్ కోసం స‌మంత ఇలా ద‌ర్శ‌న‌మిస్తుంద‌ని టాక్.