by సూర్య | Mon, Jan 04, 2021, 12:10 PM
ఒక సినిమాకి సీక్వెల్ తీయడం మామూలే. అదే తరహాలో తెలుగు..తమిళ భాషల్లో హిట్ అయిన అడల్ట్ హారర్ కామెడీ చిత్రం చీకటి గదిలో చితక్కొట్టుడుకి సీక్వెల్ రానుంది. మొదటి వెర్షన్కు దర్శకత్వం వహించిన సంతోష్. పి. జయకుమారే.. ఈ రెండో భాగానికి కూడా దర్శకత్వం వహించారు. అంతేకాదు ఆయన ఇందులో హీరోగా కూడా చేయడం విశేషం. ఫ్లయింగ్ హార్స్ పిక్చర్స్ బ్యానర్పై రూపొందిన ఈ చిత్రాన్ని జనవరి 7వ తేదీన విడుదల చేయబోతున్నట్లుగా నిర్మాత ఎస్. హరి భాస్కర్ తెలిపారు. ఈ సందర్భంగా.. ”ఇప్పటివరకు వచ్చిన అడల్ట్ హారర్ కామెడీ చిత్రాలకి భిన్నంగా ఈ సినిమా ఉంటుంది. మొదటి వెర్షన్ కి మించిన స్థాయిలో ఈ సీక్వెల్ ఉంటుంది. లాక్డౌన్ తరువాత దీపావళికి తమిళనాట విడుదలైన తొలి చిత్రం ఇదే. సూపర్ రెస్పాన్స్ వచ్చింది. తెలుగు ప్రేక్షకులకు కూడా ఈ చిత్రం ఖచ్చితంగా నచ్చుతుంది. కొత్త సంవత్సరంలో ప్రేక్షకులకి కనువిందు చేసే చిత్రం ఇది” అని తెలిపారు ఈ చిత్ర దర్శకుడు, హీరో సంతోష్. పి. జయకుమార్.
Latest News