by సూర్య | Fri, Jan 24, 2020, 02:44 PM

2014లో సూపర్ స్టార్ రజనీకాంత్ నటించిన ‘లింగా’ చిత్రం విడుదలైన సంగతి తెలిసిందే. ఈ చిత్రాన్ని కె.ఎస్.రవికుమార్ డైరెక్ట్ చేయగా రాక్ లైన్ వెంకటేష్ నిర్మించారు. ఈ సినిమా విడుదల సమయంలో స్టోరీ కాపీ కొట్టారంటూ డైరెక్టర్ రవిరత్నం మధురై కోర్టులో కేసు వేశారు. కథను తన ‘ముల్లై వానమ్ 999’ సినిమా నుండి తీసుకున్నారని ఆయన ఆరోపించారు. అప్పట్లో ఈ కేసు చాలానే దుమారం రేపింది. కోర్టు రూ.10 కోట్ల ఇన్సూరెన్స్ మీద సినిమా విడుదలకు అనుమతించింది. ఇన్నాళ్ళు విచారణలో ఉన్న ఈ కేసులో కోర్టు తీర్పును వెలువరించింది. కథ కాపీ కాదని తీర్పును వెలువరించింది. దీంతో నిర్మాత రాక్ లైన్ వెంకటేష్ కు పెద్ద ఊరట లభించినట్లైంది. ఇకపోతే ఇటీవలే ‘దర్బార్’ చిత్రంతో పలకరించిన రజనీ ప్రస్తుతం శివ దర్శకత్వంలో ఒక సినిమా చేస్తున్నారు.