by సూర్య | Thu, Jan 16, 2020, 12:47 PM

ఏఆర్‌ మురుగదాస్‌ దర్శకత్వం రజినీకాంత్ హీరోగా తెరకెక్కుతున్న చిత్రం దర్బార్.  దర్బార్ మూవీలో రజిని పోలీస్ అధికారి పాత్ర చేస్తున్నారు. ముంబై నేపథ్యంలో నడిచే మాఫియా యాక్షన్ ఎంటర్టైనర్ అని తెలుస్తుంది. నయనతార హీరోయిన్ గా నటిస్తుంది. సూపర్ స్టార్ రజని యాక్షన్ ఎంటర్టైనర్ దర్బార్ 9వ తేదీన విడుదలైంది. అయితే తమిళనాడులో రజిని దర్బార్ వసూళ్ల సునామి సృష్టిస్తుంది. ముఖ్యంగా చెన్నై సిటీ పరిధిలో దర్బార్ మూవీ వసూళ్ల జోరు కొనసాగుతుంది.ఎంత మంది హీరోలు వచ్చినా రజిని మేనియా కొంచెం కూడా తగ్గలేదని ఈ బాక్సాపీస్ కలెక్షన్స్ నిరూపిస్తున్నాయి. విడుదలైన ఏడు రోజులలోనే ఈ చిత్రం చెన్నై సిటీ పరిధిలో 10 కోట్ల గ్రాస్ కలెక్షన్స్ అందుకుంది. చెన్నై సిటీలో ఇప్పటికీ హైయెస్ట్ గ్రాస్సింగ్ మూవీగా రజిని 2.0 కొనసాగుతుంది. వరల్డ్ వైడ్ గా దర్బార్ ఇప్పటికే వంద కోట్ల మార్క్ దాటివేసింది. దర్బార్ మూవీతో రజిని మరో బ్లాక్ బస్టర్ తన ఖాతాలో వేసుకున్నారు.