by సూర్య | Tue, Jan 14, 2020, 04:39 PM

శేఖర్ కమ్ముల దర్శకత్వంలో  నాగచైతన్య , సాయిపల్లవి హీరోహీరోయిన్లుగా సినిమా రాబోతున్న సంగతి తెలిసిందే. కాగా తాజాగా ఈ సినిమా టైటిల్ ను ఈ రోజు అధికారికంగా ప్రకటించనున్నారు. సాయంత్రం 6 గంటల 3 నిముషాలకు ఈ సినిమా టైటిల్ రివీల్ చేయనున్నారు. అయితే ఈ సినిమాకి ‘లవ్ స్టోరీ’ అని టైటిల్ పెట్టినట్లు సోషల్ మీడియాలో రూమర్స్ వస్తున్నాయి. మరి ఏ టైటిల్ పెట్టారనేది ఈ సాయంత్రం తేలనుంది. ఇక ఏప్రిల్ 2న ఈ సినిమాని విడుదల చేయనున్నారు. బలమైన కథలతో సినిమాలు తీసే డైరెక్టర్ గా మంచి పేరు ఉన్న శేఖర్ కమ్ముల.. ఫిదా లాంటి సెన్సేషనల్ హిట్ తరువాత చేస్తోన్న సినిమా కావడంతో ఈ సినిమా పై భారీ అంచనాలు ఉన్నాయి. డిస్ట్రిబ్యూటర్స్ గా ఇప్పటి వరకూ వందలాది సినిమాలను విడుదల చేసిన ఏసియన్ డిస్ట్రిబ్యూషన్ కంపెనీ ఈ సినిమాతో ఫస్ట్ టైమ్ నిర్మాణ రంగంలోకి దిగుతోంది. కాగా నారాయణదాస్ నారంగ్, ఎఫ్.డి.సి చైర్మైన్ రామ్మోహనరావు ఈ చిత్రానికి నిర్మాతలు. ఏషియన్ వంటి పెద్ద కంపెనీ నిర్మిస్తుండటం వల్ల ఇప్పుడీ ప్రాజెక్ట్ పై టాలీవుడ్ లో మంచి అంచనాలు ఉన్నాయి.