by సూర్య | Fri, Jan 10, 2020, 01:08 PM
సెన్సేషనల్ స్టార్ విజయ్ దేవరకొండ 'వరల్డ్ ఫేమస్ లవర్' చిత్రంలో తొలిసారిగా నలుగురు హీరోయిన్స్ తో రొమాన్స్ చేసాడు. మళ్ళీ మళ్ళీ ఇది రాని రోజు సినిమాకు దర్శకత్వం వహించిన క్రాంతి మాధవ్ ఈ చిత్రాన్ని డైరెక్ట్ చేస్తున్నాడు. మూవీ యూనిట్ తాజాగా ఈ చిత్ర టీజర్ ను విడుదల చేసింది. ఈ టీజర్ విడుదలయినప్పటి నుండి ఈ సినిమా స్టోరీ ఇదే అంటూ ఒక స్టోరీ సోషల్ మీడియాలో వైరల్ అవుతుంది. ఈ సినిమా పూర్తిగా స్క్రీన్ ప్లే చుట్టూనే తిరుగుందని.. ఈ సినిమాలో విజయ్ దేవరకొండ తనను తానూ హీరోగా ఇమాజిన్ చేసుకునే రచయితగా నటించాడట. విజయ్ దేవరకొండ స్వతహాగా రచయిత కాబట్టి తాను నాలుగు లవ్ స్టోరీలను రాసుకుంటాడని... ఈ నాలుగు స్టోరీలు రాసుకునేటప్పుడు ప్రతి ఒక్క స్టోరీలో విజయ్ తనను తానూ హీరోగా ఊహించుకుంటాడని, అందుకే నలుగురు హీరోయిన్లు వున్నారని అంటున్నారు. కానీ.. ఈ నాలుగు కథలకు ఎండింగ్ మాత్రం ఉండదట. మరి వైరల్ అయ్యే ఈ స్టోరీ ఎంత వరకు నిజమో తెలుసుకోవాలంటే వాలంటెన్స్ డే వరకు ఆగక తప్పదు.
Latest News