by సూర్య | Mon, Oct 14, 2019, 03:56 PM
హీరో కార్తీ చేస్తున్న ప్రయోగాత్మక చిత్రం ఖైదీ. సందీప్ కిషన్ హీరోగా వచ్చిన బైలింగ్వల్ మూవీ నగరం చిత్రానికి దర్శకుడైన లోకేష్ కనగరాజ్ ఈ మూవీకి దర్శకత్వం వహించారు. చిత్రం మొత్తం రాత్రి నేపథ్యంలో నడవడం ఈ మూవీ విశేషత. ఒక్క షాట్ కూడా డే లైట్ లో ఉండదట. అలాగే కథ అంతా ఒక రాత్రి లోనే నడుస్తుంది. కాగా నేడు ఈ మూవీ తెలుగు ట్రైలర్ విడుదల చేయడం జరిగింది. సస్పెన్సు అండ్ యాక్షన్ తో సాగిన ఖైదీ ట్రైలర్ అద్భుతంగా ఉంది. యావజ్జీవ శిక్ష పడిన పరారీ ఖైదీగా కార్తీ కనిపిస్తున్నాడు. ఓ మాఫియా గ్యాంగ్ మరియు పోలీస్ లు అతన్ని వెతుకుతూ ఉంటారు. ఇదే ప్రధాన కధాంశంగా ఖైదీ చిత్రం తెరకెక్కింది. పాటలు, హీరోయిన్ , కామెడీ వంటి కమర్షియల్ అంశాలేమి లేకుండా సాగే కాన్సెప్ట్ బేస్డ్ మూవీగా తెరకెక్కింది. ఈ చిత్రాన్ని దీపావళి కానుకగా విడుదల చేయనున్నారు.
Latest News