by సూర్య | Sat, Oct 12, 2019, 04:52 PM
'బాహుబలి' తో తెలుగు సినిమా స్థాయిని పెంచిన దర్శకుడు రాజమౌళి రూపొందిస్తున్న తాజా చిత్రం `ఆర్ఆర్ఆర్`. యంగ్ టైగర్ ఎన్టీయార్, మెగా పవర్ స్టార్ రామ్చరణ్ ఈ సినిమాలో హీరోలుగా నటిస్తున్నారు. అత్యంత భారీ బడ్జెట్తో తెరకెక్కుతున్న ఈ చిత్రం 2020 జులై 30న విడుదలవుతుందని చిత్రబృందం ప్రకటించింది. అయితే పలు కారణాల వల్ల ఈ సినిమా షూటింగ్ ఆలస్యమవుతోందట.
దీంతో సినిమా విడుదల తేదీని వాయిదా వేయాలని చిత్ర యూనిట్ భావిస్తున్నట్టు సమాచారం. ముందుగా అనుకున్నట్టు జులై 30న కాకుండా దసరా సమయానికి, లేదా 2021 సంక్రాంతికి విడుదల చేయాలని అనుకుంటున్నారట. `ఆర్ఆర్ఆర్` తెలుగుతోపాటు ఇతర భారతీయ భాషల్లో కూడా భారీగా విడుదలవుతుంది. కాబట్టి, అన్ని భాషల్లోనూ మంచి రిలీజ్ డేట్ చూసుకుని విడుదల చేస్తారట. బాలీవుడ్ భారీ సినిమాలతో పోటీ పడకుండా విడుదల చేయాలని ప్లాన్ చేస్తున్నారట.
Latest News