బాల‌య్య‌-బోయ‌పాటి సినిమాలో ప్ర‌తినాయిక‌గా రోజా?

రెండు దశాబ్దాల క్రితం బాలయ్య,రోజా కాంబినేషన్‌లో చిత్రమంటే ప్రేక్షకులకు కన్నుల పండుగే. అంతగా రోజా,బాలయ్య జంట వెండితెరపై అలరించింది. ఇప్పుడు ఇద్ద‌రూ రాజకీయాల్లో వేర్వేరు పార్టీల‌లో ఉన్న‌ప్ప‌టికీ ఒకరిపై ఒకరు విమర్శలు చేసుకున్న సంద‌ర్భం లేదు.

ఈ జంట మ‌రోమారు తెర‌పై క‌నిపిస్తే.... ఆ సినిమా హిట్టేన‌ని ఊహించిన దర్శకుడు బోయపాటి బాలయ్య కాంబినేష‌న్‌లో తీస్తున్న చిత్రంలో ఓ పాత్ర కోసం రోజాని ఒప్పించే ప‌నిలో ఉన్నాడ‌ట‌. రాజకీయ నేపథ్యంలో తెరకెక్కుతున్న ఈ చిత్రంలో నెగిటివ్ అత్యంత కీల‌కంగా ఉంటుందని విరామం చిహ్న స‌మ‌యంలో ప్రవేశించి ద్వితీయ భాగం అంతటా క‌నిపించేలా ప్ర‌త్యేక త‌ర‌హాలో ఈ పాత్ర‌ని రూపొందించాడ‌ట బోయ‌పాటి. బాల‌య్య‌కు క‌థ వినిపించిన‌ప్పుడే రోజా అయితే ఈ క్యారేక్ట‌ర్‌కి స‌రైన న్యాయం జ‌రుగుతుంద‌ని ఇద్ద‌రూ అనుకున్నార‌ని, ఈ నేప‌థ్యంలోనే ఇప్ప‌టికే ప‌లు ప‌ర్యాయాలు మ‌ణికొండ‌లోని రోజా ఇంటిని శీన‌య్య తెగ తొక్కేస్తున్నాడ‌ట‌. మ‌రి ఎంత‌వ‌ర‌కు స‌క్స‌స్ అవుతాడో చూడాలి.