by సూర్య | Thu, Oct 10, 2019, 07:13 PM

రవిచంద్ర, యుగా యుగేష్‌, సాయిశ్రీవి ప్రధాన పాత్రలు పోషించిన చిత్రం ఇష్క్‌ ఈజ్‌ రిస్క్‌. రాజ్‌కింగ్‌ దర్శకుడు. చంద్రశేఖర్‌ నిర్మాత. హైదరాబాద్‌లో పాటల్ని విడుదల చేశారు. దర్శకుడు మాట్లాడుతూ వినోదానికి పెద్దపీట వేసి తెరకెక్కించిన చిత్రమిది. ప్రేమలో పదనిసలతో పాటు ప్రమాదాలూ ఉంటాయని సున్నితంగా చెబుతున్నామ న్నారు. యువతరానికి సంబంధించిన కథ ఇది. అందరికీ నచ్చేలా తీర్చిదిద్దామన్నారు నిర్మాత. ఈ కార్యక్రమంలో సాగర్‌, డి.ఎస్‌.రావు, తదితరులు పాల్గొన్నారు. తాగుబోతు రమేష్‌, నల్లవేణు, బండ రఘు కీలక పాత్రలు పోషించారు.