పవన్ కళ్యాణ్ 'ఉస్తాద్ భగత్ సింగ్' మార్చిలో విడుదల!

by సూర్య | Fri, Jan 23, 2026, 07:51 PM

‘పవర్ స్టార్’ పవన్ కళ్యాణ్ నటిస్తున్న ‘ఉస్తాద్ భగత్ సింగ్’ సినిమా షూటింగ్ పూర్తయి, ప్రస్తుతం పోస్ట్ ప్రొడక్షన్ దశలో ఉంది. మొదట ఏప్రిల్‌లో విడుదల చేయాలని భావించినా, మార్చి 27న విడుదలయ్యే అవకాశం ఉందని తెలుస్తోంది. అదే రోజు విడుదల కావాల్సిన రామ్ చరణ్ ‘పెద్ది’ సినిమా వాయిదా పడటంతో ఈ మార్పు జరిగినట్లు సమాచారం. హరీశ్ శంకర్ దర్శకత్వంలో వస్తున్న ఈ సినిమాలో పవన్ సరసన శ్రీలీల, రాశిఖన్నా నటిస్తున్నారు. దేవిశ్రీ ప్రసాద్ సంగీతం అందిస్తున్నారు. త్వరలోనే అధికారికంగా విడుదల తేదీని ప్రకటించనున్నారు.