by సూర్య | Wed, Jan 14, 2026, 01:51 PM

'పరాశక్తి' సినిమా ప్రమోషన్లలో భాగంగా స్పెషల్ సాంగ్స్ పై నటి శ్రీలీల తన అభిప్రాయాలను వెల్లడించారు. కెరీర్ ప్రారంభంలోనే స్పెషల్ సాంగ్స్ చేయాలని అనుకుంటే చేసేదాన్నని, అయితే హీరోయిన్‌గా నటించిన సినిమాల్లోని ప్రతి పాట స్పెషల్‌గా ఉండాలనే కోరిక తనదని తెలిపారు. మరో హీరోయిన్ లీడ్ రోల్‌లో ఉన్న చిత్రాల్లో కేవలం ఒక పాట కోసం కనిపించడం తనకు ఇష్టం లేదని పేర్కొన్నారు. పుష్ప 2 సినిమాలో ఆఫర్ వచ్చినప్పుడు దానిని తిరస్కరించలేదని, ఆ పాట తనను చాలా మంది ప్రేక్షకులకు దగ్గర చేసిందని చెప్పారు. భవిష్యత్తులో కూడా ప్రత్యేక పాటలు చేయాలనే ఆలోచన లేదని స్పష్టం చేశారు.