by సూర్య | Wed, Nov 12, 2025, 04:24 PM

మలయాళ స్టార్ హీరో దుల్కర్ సల్మాన్ విభిన్నమైన కథలతో ప్రేక్షకులను ఆకట్టుకుంటూ పాన్-ఇండియా స్థాయిలో గుర్తింపు తెచ్చుకున్నారు. ప్రస్తుతం ఆయన నటిస్తున్న తాజా చిత్రం 'కాంత'. సెల్వమణి సెల్వరాజ్ దర్శకత్వం వహిస్తున్న ఈ సినిమా ఈ నెల‌ 14న విడుదల కానుంది. అయితే, విడుదలకు కొన్ని రోజుల ముందు ఈ చిత్రంపై ఒక ఆసక్తికరమైన వార్త సోషల్ మీడియాలో బాగా ప్రచారంలో ఉంది. 'కాంత' సినిమా, ఒకప్పటి లెజెండరీ తమిళ నటుడు, తొలి ఇండియన్ సూపర్ స్టార్‌గా పేరుగాంచిన ఎంకే త్యాగరాజ భాగవతార్ జీవిత కథ ఆధారంగా తెరకెక్కిందని ఊహాగానాలు వినిపిస్తున్నాయి.