by సూర్య | Sat, Aug 06, 2022, 02:01 PM

రైలు ఢీకొని వ్యక్తి మృతి చెందినట్లు బొబ్బిలి రైల్వే హెడ్ కానిస్టేబుల్ ఎస్. కృష్ణారావు చెప్పారు. శనివారం హెచ్. సి తెలియజేసిన వివరాలు ఇలా ఉన్నాయి. గజపతినగరం మండలం మధురవాడ గ్రామానికి చెందిన బిరిసి అప్పన్న(52) శుక్రవారం సాయంత్రం ఐదున్నర గంటల సమయంలో గడ్డి తీసుకురావడానికి బంగారమ్మ పేట రైల్వే లైన్ సమీపంలో దాటుతుండగా బొబ్బిలి వైపు వెళ్లే లైన్ లో గూడ్స్ రైలు ఢీకొని మృతి చెందాడు. మృతుడు అప్పన్న కి భార్య ఇద్దరు పిల్లలు కలరు. అప్పన్న మృతదేహాన్ని గజపతినగరం సామాజిక ప్రభుత్వ ఆసుపత్రికి తరలించారు. ఫిర్యాదు మేరకు కేసు నమోదు చేసి దర్యాప్తు చేస్తున్నట్లు చెప్పారు.