తిరుమలలో భక్తుల రద్దీ సాధారణం

by సూర్య | Sat, Aug 06, 2022, 01:09 PM

తిరుమలలో శనివారం భక్తుల రద్దీ సాధారణంగా ఉంది. శ్రీవారి దర్శనం కోసం 22 కంపార్ట్‌మెంట్లలో భక్తులు వేచి ఉన్నారు. శ్రీవారి సర్వ దర్శనానికి 8 గంటల సమయం పడుతోంది. శుక్రవారం శ్రీవారి హుండీ ఆదాయం రూ.3.77 కోట్లు వచ్చినట్టు టీటీడీ వెల్లడించింది. శుక్రవారం శ్రీవారిని 65,939 మంది భక్తులు దర్శించుకుని మొక్కులు చెల్లించుకున్నారు. 32,894 మంది భక్తులు స్వామివారికి తలనీలాలు సమర్పించారు.