by సూర్య | Sun, Nov 21, 2021, 08:46 AM
ఈ రోజుల్లో చాలా మంది సైబర్ క్రైమ్ల బారిన పడుతున్నారు. తాజాగా ఈ జాబితాలో పాకిస్థాన్ మహిళా ఎమ్మెల్యే ఒకరు కూడా చేరారు. సోషల్ మీడియాలో ఆమెకు సంబంధించిన ఓ అశ్లీల వీడియో ప్రస్తుతం ఇంటర్నెట్లో హల్చల్ చేస్తోంది. దీంతో ఎమ్మెల్యే పోలీసులకు ఫిర్యాదు చేశారు. పంజాబ్లోని తక్షిలా అసెంబ్లీ నియోజకవర్గంలో పాకిస్థాన్ ముస్లిం లీగ్-నవాజ్ (పీఎంఎల్-ఎన్)కి చెందిన మహిళా ఎమ్మెల్యే సానియా ఆషిక్ అశ్లీల వీడియో వెలుగులోకి వచ్చింది. దీంతో ఆమె పోలీసులకు ఫిర్యాదు చేసింది. ఎమ్మెల్యే కంప్లయింట్ మేరకు పోలీసులు ఒకరిని అదుపులోకి తీసుకున్నట్లు సమాచారం. అక్టోబర్లో సానియా ఈ వీడియో గురించి తెలుసుకుని కేంద్ర, రాష్ట్ర ప్రభుత్వ దర్యాప్తు సంస్థలకు ఫిర్యాదు చేసిందని పాక్ మీడియా పేర్కొంది. సానియా ఫిర్యాదు మేరకు మూడు వారాల తర్వాత ఓ వ్యక్తిని పోలీసులు అరెస్ట్ చేశారు. అయితే అతని వివరాలను మాత్రం వెల్లడించలేదు. వీడియోలో ఉన్న మహిళ సానియానా లేక మరో మహిళనా అనే కోణంలో కూడా పోలీసులు దర్యాప్తు చేస్తున్నారు. వివిధ మీడియా కథనాల ప్రకారం, వీడియో ప్రత్యక్ష ప్రసారం అయినప్పటి నుండి సానియాకు అసభ్యకరమైన ఫోన్ కాల్స్ వస్తున్నాయి. సానియా పాక్ మాజీ ప్రధాని నవాజ్ షరీఫ్ కుమార్తె మరియం స్నేహితురాలు. ఆమె ప్రస్తుతం ప్రభుత్వంలో అనేక సమస్యలపై పనిచేస్తున్నారు.
Latest News