రైతులు చేపట్టినకు మహాపాదయాత్రకి నేటితో 700 రోజులు పూర్తి
 

by Suryaa Desk |

మూడు రాజధానులు ఉండాలన్న రాష్ట్ర ప్రభుత్వ నిర్ణయానికి వ్యతిరేకంగా రైతులు చేపట్టిన ఆందోళన మంగళవారం నాటికి 700వ రోజు పూర్తి చేసుకుంది. ఈ సందర్భంగా నిరసనకారులు ఈరోజు పలు ప్రత్యేక కార్యక్రమాలు నిర్వహించారు. 16వ రోజుకు చేరుకున్న మహాపాదయాత్ర ఈరోజు ప్రకాశం జిల్లా విక్కిరాలపేట నుంచి ప్రారంభమైంది. కందుకూరులో ముగుస్తుంది.కృష్ణా జిల్లా పెనుగంచిప్రోలు గ్రామంలో ఆందోళనకారులకు సంఘీభావం తెలుపుతూ, మహాపాదయాత్రకు మద్దతుగా రైతులు పలు కార్యక్రమాలు నిర్వహించారు. ఈ కార్యక్రమాల్లో రైతు నాయకులు కర్ల నాగేశ్వరరావు, సుధీర్‌బాబు ఆధ్వర్యంలో వందలాది మంది రైతులు పాల్గొన్నారు. మహా పాదయాత్ర పూర్తయ్యే వరకు ఇలాంటి కార్యక్రమాలు నిర్వహిస్తామని స్పష్టం చేశారు.రాష్ట్రానికి మూడు రాజధానులు ఏర్పాటు చేస్తామని 2019 డిసెంబర్ 17న ముఖ్యమంత్రి జగన్ మోహన్ రెడ్డి అసెంబ్లీలో ప్రకటించిన నేపథ్యంలో ఆందోళన మొదలైంది. రాజధాని అమరావతి నిర్మాణానికి భూసేకరణలో భాగంగా 29 గ్రామాల్లోని 34,322 ఎకరాలను 29,881 మంది రైతులు ఇచ్చారు. వీరిలో ఎక్కువ మంది చిన్నకారు రైతులేతొలుత తుళ్లూరు, మందడం, కృష్ణాయపాలెం, ఎర్రబాలెం గ్రామాల్లో మొదలైన ఆందోళనలు రాజధానిలోని అన్ని గ్రామాలకు విస్తరించాయి. అధికార వైఎస్సార్సీపీ మినహా అన్ని పార్టీలు ఆందోళనకారులకు సంఘీభావం ప్రకటించాయి. అమరావతిని మాత్రమే రాజధానిగా చేస్తామని ప్రభుత్వం ప్రకటించే వరకు ఉద్యమం కొనసాగిస్తామని రైతులు తెలిపారు.

Latest News
నా నిర్ణయంలో ఎలాంటి మార్పు లేదు, వచ్చే ఎన్నికల్లో పోటీ చేస్తా : నారా లోకేష్ Sat, Nov 27, 2021, 09:51 PM
కిలో అంతా అనగానే ..? చోరీకి గురి అయన టమాటో ట్రేలు.. Sat, Nov 27, 2021, 09:35 PM
ఏపీ కరోనా అప్డేట్ Sat, Nov 27, 2021, 09:13 PM
ఏపీ సీఎం జగన్‌కు లోకేష్‌ లేఖ Sat, Nov 27, 2021, 08:39 PM
ఆటో‌నగర్ లో కల్తీ 'వేప నూనె' గుట్టు రట్టు Sat, Nov 27, 2021, 06:42 PM