by సూర్య | Fri, Apr 09, 2021, 02:19 PM

ఏపీలోని గుంటూరు జిల్లాలో కరోనా కేసులు పెరుగుతున్న నేపథ్యంలో కొల్లిపర మండలంలో లాక్ డౌన్ విధించారు. కొల్లిపర మండలంలో వారం రోజుల పాటు లాక్ డౌన్ విధిస్తున్నట్టు తహసీల్దార్ పేర్కొన్నారు. ఈ నెల 10వ తేదీ నుంచి 16 వ తేదీ వరకు వారం రోజుల పాటు లాక్ డౌన్ అమలు చేస్తున్నట్టు పేర్కొన్నారు. ఉదయం 6 గంటల నుంచి ఉదయం 11 గంటల వరకు మాత్రమే వ్యాపారాలకు అనుమతులు ఇస్తున్నట్టు తహసీల్దార్ తెలిపారు. హోటల్స్, టీ స్టాల్స్ ను పూర్తిగా మూసివేయాలని ఆదేశించారు. కరోనా వ్యాప్తి దృష్ట్యా ఇటీవలే భట్టిప్రోలు మండలంలో కూడా లాక్ డౌన్ విధించారు.