by సూర్య | Thu, Apr 01, 2021, 08:13 AM
గత మూడు నెలల్లోనే భారీగా వంటగ్యాస్ ధరలు భారీగా పెరిగిన విషయం తెలిసిందే. అయితే.. వంట గ్యాస్ ధర నుంచి తగ్గనుందని ఆయిల్ కంపెనీలు పేర్కొన్నాయి. ఏప్రిల్ 1 నుంచి సిలిండర్పై రూ. 10 తగ్గనుంది. ఫిబ్రవరిలో వరుసగా ధరల పెరుగుదల ప్రభావంతో ఉన్న గృహిణులకు ఉపశమనం కలిగించేలా గ్యాస్ ధర తగ్గింది. ఇండియన్ ఆయిల్ కార్పొరేషన్ లిమిటెడ్ బుధవారం సిలిండర్ ధరలో రూ.10 తగ్గిస్తున్నట్లు ప్రకటించింది. పెట్రోల్, డీజిల్ ధరలను ఇప్పటికే వారంలో మూడుసార్లు తగ్గించినప్పటికీ, వంట గ్యాస్ ధర కూడా సమీప భవిష్యత్తులో తగ్గుతాయని చమురు అధికారులు పేర్కొంటున్నారు. కాగా.. తాజా తగ్గింపుతో ఢిల్లీలో రూ. 819 ఉన్న 14.2 కిలోల ఎల్పీజీ సిలిండర్ ధర రూ. 809 కి చేరుతుంది. ఇతర మార్కెట్లలోనూ తగ్గించిన ధర అమల్లో ఉంటుందని కంపెనీలు పేర్కొన్నాయి.
Latest News