by సూర్య | Wed, Jan 20, 2021, 01:44 PM

పశ్చిమ గోదావరి జిల్లా ఏలూరు తరహాలో భీమడోలు మండలం పూళ్లలో అంతు చిక్కని వ్యాధి కలకలం సృష్టిస్తోంది. మూర్ఛ రావడం, నురగలు కక్కడం, కళ్లు తిరిగి పడిపోవడం, కొందరికి ఒళ్లు, తలనొప్పులు ఉండటం వంటి లక్షణాలు ఈ వ్యాధి బాధితుల్లో కనిపిస్తున్నాయి. దిశ కథనం ప్రకారం.. తాజా సమాచారం మేరకు ఈ వింత వ్యాధి బాధితుల సంఖ్య 31కు చేరింది. చుట్టు పక్కల గ్రామాలకు కూడా ఈ వింత వ్యాధి వ్యాపిస్తోంది. గుండు గొలను, అరుంధతీ కాలనీ,వడ్లకట్ల, అర్జావారి గూడెంలోనూ వింత వ్యాధి సోకింది. కాగా భీమడోలులో వైద్యులు ఇద్దరికి చికిత్స అందించారు. మరో ముగ్గురిని ఏలూరుకు తరలించారు. ఆహార పదార్థాల శాంపిల్స్ ‌ను ఫుడ్ సేఫ్టీ అధికారులు సేకరించారు.