by సూర్య | Tue, Jan 19, 2021, 12:56 PM

ఈ-కామర్స్ దిగ్గజం అమెజాన్ జనవరి 20వ తేదీ నుంచి గ్రేట్ రిపబ్లిక్ డే సేల్‌ను నిర్వహిస్తున్న సంగతి తెలిసిందే. ఇందులో శాంసంగ్ గెలాక్సీ ఎం31ఎస్, నోకియా 5.3, ఒప్పో ఏ31 వంటి స్మార్ట్ ఫోన్లపై భారీ తగ్గింపులను అందించనున్నారు. ఐఫోన్ 12 మినీ కూడా ఈ సేల్‌లో ఇన్ స్టంట్ డిస్కౌంట్‌ను అందుకునే ఫోన్లలో ఉంది. జనవరి 20వ తేదీన ప్రారంభం కానున్న ఈ సేల్ జనవరి 23వ తేదీ వరకు జరగనుంది. వన్ ప్లస్ 8టీ, శాంసంగ్ గెలాక్సీ ఎం51 వంటి ఫోన్లకు డిస్కౌంట్ కూపన్లు అందించనున్నారు. రెడ్ మీ నోట్ 9 ప్రో మ్యాక్స్, వివో వై30, వివో వీ20 సిరీస్ ఫోన్లపై అదనపు డిస్కౌంట్ లభించనుంది. ఈ సేల్ అమెజాన్ ప్రైమ్ సభ్యులకు ఒకరోజు ముందే జనవరి 19వ తేదీ నుంచి ప్రారంభం కానుంది.
ఈ సేల్‌లో ఫోన్లపై అందించే తగ్గింపులను అమెజాన్ ప్రకటించింది. శాంసంగ్ గెలాక్సీ ఎం31ఎస్ 6 జీబీ ర్యామ్ + 128 జీబీ స్టోరేజ్ వేరియంట్ అసలు ధర రూ.19,499 కాగా, ఈ సేల్‌లో రూ.17,999కే విక్రయించనున్నారు. ఇక శాంసంగ్ గెలాక్సీ ఎం21 4 జీబీ ర్యామ్ + 64 జీబీ స్టోరేజ్ వేరియంట్‌పై కూడా భారీ తగ్గింపును అందించారు. దీని ధర రూ.13,999 నుంచి రూ.12,499కు తగ్గింది. ఇక శాంసంగ్ గెలాక్సీ ఏ21ఎస్ ధర కూడా రూ.17,499 నుంచి రూ.14,999కు తగ్గింది. దీనిపై ఏకంగా రూ.2,500 తగ్గింపును అందించారు. నోకియా 5.3 ధర కూడా రూ.11,999 నుంచి రూ.10,999కు తగ్గింది. అలాగే ఒప్పో ఏ31 ధరను రూ.500 తగ్గించారు. ఈ ఫోన్ ధర రూ.12,490 నుంచి రూ.11,990కు తగ్గింది. ఒప్పో ఏ1కే ధర రూ.8,490 నుంచి రూ.7,990కు తగ్గింది.
డిస్కౌంట్లతో పాటు అమెజాన్ గ్రేట్ రిపబ్లిక్ సేల్‌లో డిస్కౌంట్ కూపన్లను కూడా అందించనున్నారు. రూ.5,000 వరకు డిస్కౌంట్ల కూపన్లను ఈ ఫోన్లపై అందించనున్నారు. అంటే ఫోన్ కొనుగోలు చేసేటప్పుడు ఆ డిస్కౌంట్ కూపన్ అప్లై చేస్తే మీకు ఫోన్ మరింత తక్కువకే లభిస్తుందన్న మాట. ఎంఐ 10పై రూ.5,000 డిస్కౌంట్ కూపన్ లభించనుంది. అలాగే వన్ ప్లస్ 8టీపై రూ.2,500, శాంసంగ్ గెలాక్సీ ఎం51పై రూ.2,000, రెడ్ మీ నోట్ 9 ప్రోపై రూ.2,000, రెడ్ మీ నోట్ 9 ప్రోపై రూ.2,000, శాంసంగ్ గెలాక్సీ ఎం31 ప్రైమ్ ఎడిషన్‌పై రూ.1,000 డిస్కౌంట్ కూపన్లు అందించనున్నారు. ఎస్‌బీఐ క్రెడిట్ కార్డు ద్వారా కొనుగోలు చేస్తే ఐఫోన్ 12 మినీపై రూ.4,500 తగ్గింపు లభించనుంది. దీంతో ఈ ఫోన్ రూ.59,990కే కొనుగోలు చేయవచ్చు. ఈ ఫోన్ ప్రస్తుతం రూ.67,900కు అమెజాన్‌లో అందుబాటులో ఉంది.
దీంతోపాటు వివో వై30, వివో వీ20 సిరీస్, వివో వై51, వివో ఎక్స్50, రెడ్ మీ నోట్ 9 ప్రో మ్యాక్స్‌లపై కూడా భారీ తగ్గింపును అందించనున్నారు. దీంతోపాటు వన్ ప్లస్ 8 ప్రో, శాంసంగ్ గెలాక్సీ ఎస్20 ఎఫ్ఈ, ఎంఐ 10ఐ స్మార్ట్ ఫోన్లు కూడా నో కాస్ట్ ఈఎంఐల్లో అందుబాటులో ఉన్నాయి. ఎస్‌బీఐ క్రెడిట్ కార్డుల ద్వారా కొనుగోలు చేసిన వారికి 10 శాతం ఇన్ స్టంట్ డిస్కౌంట్‌ను అమెజాన్ అందిస్తోంది. దీంతోపాటు మొబైల్ యాక్సెసరీలపై 40 శాతం వరకు తగ్గింపు లభిస్తోంది.