by సూర్య | Sun, Feb 16, 2020, 01:19 PM

సరిగ్గా పదేళ్ల క్రితం ఓ పదివేలు మనవి కాదనుకొని ఈ స్టాక్స్ మీద పెట్టుబడి పెట్టి ఉంటే కోట్లు మీ సొంతం అయ్యేవి. ఆశ్చర్యపోతున్నారు కదూ.. చెప్పుల తయారీ కంపెనీలు గత కొన్ని సంవత్సరాలుగా ఔట్ పెర్ఫార్మ్ చేస్తున్నాయి. ముఖ్యంగా ఈ సెక్టార్ లో పోటీ పరిమితంగా ఉండటంతో పాటు మార్కెట్లో వీటి విస్తరణ కూడా అంతే స్థాయిలో ఉంది. అయితే తాజాగా బడ్జెట్ లో చెప్పులు, బూట్లు ఇతర ఫుట్ వేర్ ను విదేశీ దిగుమతులపై పన్నులు పెంచేయడంతో ప్రస్తుతం ఈ సెక్టార్ కు మరింత కలిసి వచ్చే అంశమనే చెప్పాలి. ఫుట్ వేర్ సంస్థకు చెందిన కొన్ని స్టాక్స్ చూసినట్లయితే గత పదేళ్లలో రిలాక్సో ఫుట్ వేర్స్ అనే సంస్థ ఏకంగా 7,907 శాతం జంప్ అయ్యింది. సరిగ్గా పదేళ్ల క్రితం అంటే ఫిబ్రవరి 6, 2010 నాటికి దాని షేర్ ధర రూ.9.30 పలికింది. ఆ సమయంలో ఈ షేర్ మీద రూ.10 వేలు పెట్టుబడి పెట్టి ఉంటే, 2020 ఫిబ్రవరి 6 నాటికి ఈ షేర్ విలువ రూ.800 పలికింది. అంటే మీ డబ్బు రూ.8 లక్షలు అయ్యి ఉండేది. పదేళ్ల క్రితం బాటా ఇండియా 2010 ఫిబ్రవరి 6 నాటికి రూ.110 పలకగా, ప్రస్తుతం అంటే ఫిబ్రవరి 06, 2020 నాటికి రూ.1821 పలుకుతోంది.