by సూర్య | Fri, Feb 14, 2020, 09:02 AM

తెలుగు రాష్ట్రాల్లో జరిగిన ఐటీ దాడులపై ఐటీశాఖ ప్రకటన చేసింది. మూడు ప్రముఖ ఇన్ ఫ్రా  కంపెనీలపై జరిగిన దాడుల్లో  రూ. 2 వేల కోట్ల అక్రమ లావాదేవీలను గుర్తించామని ఐటి శాఖ  తెలిపింది. కీలకమైన సాక్ష్యాలు లభించాయి అని ఐటీ  శాఖ  వెల్లడించింది. 40 చోట్ల 5 రోజులపాటు ఐటీ  అధికారులు సోదాలు జరిపారు.  హైదరాబాద్, విజయవాడ, కడప , విశాఖ, ఢిల్లీ, పుణేలో ఐటీశాఖ సోదాలు నిర్వహించింది. నకిలీ బిల్లుల ద్వారా పెద్ద ఎత్తున ఆర్థిక లావాదేవీలు జరిపారు. ఆర్కే ఇన్ఫ్రా , ఏసీ&డి ఇన్ఫ్రా కంపెనీలు పెద్ద ఎత్తున అక్రమాలకు పాల్పడ్డాయి.  నకిలీ బిల్లులతో భారీగా లావాదేవీలు జరిపాయి అని ఐటీ  శాఖ వెల్లడించింది