by సూర్య | Tue, Jan 14, 2020, 07:47 PM

ఏపీ ముఖ్యమంత్రి జగన్ సంక్రాంతి వేడుకల్లో పాల్గోన్నారు. గుడివాడలో మంత్రి కొడాలి నాని ఆధ్వర్యంలో సంక్రాంతి సంబరాలు నిర్వహిస్తున్నారు. ఈ వేడుకల్లో జగన్ ఎడ్ల పందాలను ప్రారంభించారు. సీఎం జగన్ ఎడ్ల పందాలను చాలా ఆసక్తిగా తిలకించారు. చిన్నారులకు భోగిపళ్లు పోసి జగన్ ఆశీర్వదించారు. అలాగే అక్కడే ఏర్పాటు చేసిన బొమ్మల కొలువును వీక్షించారు. రైతు సంక్షేమానికి ప్రభుత్వం తీసుకున్న చర్యలకు తోడుగా ఈ ఏడాది ప్రకృతి కూడ ఆశ్వీరదించిందని జగన్ అన్నారు. రైతుల పండుగగా విశిష్టంగా జరుపుకునే ఈ సంక్రాంతి ప్రతి ఇంటా కొత్త ఆనందాలను తీసుకురావాలని జగన్ అకాంక్షించారు. ముఖ్యమంత్రి జగన్ వెంట మంత్రులు కొడాలి నాని, వెల్లంపల్లి శ్రీనివాస్, ఎంపీ బాలశౌరిలు ఉన్నారు.