ఇది ప్రభుత్వం సృష్టించిన విపత్తు: చంద్రబాబు

by సూర్య | Wed, Aug 21, 2019, 04:41 PM

రాష్ట్రంలో వచ్చిన వరదలు ప్రభుత్వం సృష్టించిన విపత్తు అని తెలుగుదేశం అధినేత, మాజీ ముఖ్యమంత్రి నారా చంద్రబాబునాయుడు అన్నారు. గుంటూరు జిల్లాలో కిష్కింధపాలెంలో చంద్రబాబు పర్యటిస్తున్నారు. వరద బాధితులను పరామర్శిస్తున్న సందర్భంగా చంద్రబాబు మాట్లాడుతూ…రిజర్వాయర్లన్నీ ఖాళీగా ఉన్నాయన్నారు. ఓ పద్దతి ప్రకారం నీళ్లు వదిలి ఉంటే ఇబ్బంది ఉండేది కాదన్నారు. 50వేల ఎకరాల్లో పంట నీట మునిగిందన్నారు. వరద వచ్చి వారం దాటినా సహాయక చర్యలు చేపట్టలేదన్నారు. రైతుల కోసం టీడీపీ పోరాటం చేస్తుందన్నారు.