by సూర్య | Fri, Jan 27, 2023, 02:37 PM

జిల్లాస్థాయి వాలీబాల్‌ పోటీల విజేతగా బల్లపుట్టుగ నిలిచింది. శ్రీచక్రధర యువజన సంఘం ఆధ్వర్యాన కవిటి మండలంలోని బెజ్జిపుట్టుగలో రెండు రోజులుగా నిర్వహించిన జిల్లాస్థాయి వాలీబాల్‌ పోటీలు రాత్రి ముగిశాయి. ఈ పోటీల్లో ప్రగడపుట్టుగ బివైఆర్‌ ద్వితీయ స్థానం కైవసం చేసుకోగా, బెజ్జి పుట్టుగ, ప్రగడపుట్టుగ తృతీయ, చతుర్ధ స్థానాల్లో నిలిచాయి. ఉత్కంఠ భరితంగా సాగిన ఈ పోటీల్లో బెస్ట్‌ అఫెన్స్‌గా బల్లిపుట్టుగకు చెందిన గోపి, బెస్ట్‌ సెట్టర్‌గా ప్రగడపుట్టుగకు చెందిన నరేష్‌, బెస్ట్‌ ఆల్‌రౌండర్‌గా బల్లి పుట్టుగకు చెందిన సాయి, బెస్ట్‌ డిఫెన్స్‌గా బల్లిపుట్టుగకు చెందిన విజయరామరాజు ఎంపికయ్యారు.