విద్యుత్‌ భారాలపై పట్టించుకోరా...?

by సూర్య | Wed, Jan 25, 2023, 02:23 PM

విద్యుత్‌ పంపిణీ సంస్థ(డిస్కమ్‌)లు ప్రతిపాదించే 2023-24 వార్షిక ఆదాయ, వ్యయ ప్రతిపాదనలపై జరిగిన ప్రజాభిప్రాయ సేకరణలో భవిష్యత్తులో ప్రజలపై మోపే విద్యుత్‌ భారాలపై ఎలాంటి చర్చా జరగలేదని ఇంధనరంగ నిపుణులు, పారిశ్రామికవేత్తలు, రైతు సంఘాలు, వామపక్ష పార్టీలు, ఇతర రాజకీయపక్షాలు పేర్కొన్నాయి. భవిష్యత్తులో సునామీలా వచ్చి పడే భారాలైన.. అదానీ కంపెనీ నుంచి విద్యుత్‌ కొనుగోళ్ల ఖర్చు, హిందూజాకు చెల్లింపులు, స్మార్టు మీటర్ల అంశాలపై ఈఆర్‌సీ స్పందనే కరువైందని అసహనం వ్యక్తం చేశాయి. కేవలం డిస్కమ్‌లు ప్రతిపాదించిన ఏఆర్‌ఆర్‌లకే ఏపీఈఆర్‌సీ ప్రజాభిప్రాయాన్ని పరిమితం చేయడం విమర్శలకు తావిచ్చింది. వినియోగదారుల నుంచి వాస్తవ వ్యయాల పేరిట వసూలు చేస్తున్న ‘ట్రూఅప్‌’ చార్జీలు, ఇంధన సర్దుబాటు చార్జీలు, అదనపు లోడు డిపాజిట్‌, ఇంధన పన్నులు వంటి వాటిపై ప్రస్తావనకే వీలు లేకుండా చేశారని ఆగ్రహం వ్యక్తం చేశాయి. అదేవిధంగా భవిష్యత్‌లో వినియోగదారులపై పడనున్న స్మార్ట్‌ మీటర్ల చార్జీలు, రాష్ట్రంలో మిగులు విద్యుత్‌ ఉందంటూనే అదానీకి చెందిన సోలార్‌ ఎనర్జీ కార్పొరేషన్‌ ఆఫ్‌ ఇండియా(సెకీ) నుంచి 7000 మెగావాట్ల విద్యుత్‌ను కొనుగోలు చేయడం, హిందూజాకు బకాయిల పేరిట రూ.2,300 కోట్ల చెల్లింపులు వంటి అంశాలపై ఈఆర్‌సీ ఈ నెల 19 నుంచి 21 దాకా నిర్వహించిన ప్రజాభిప్రాయ సేకరణలో చర్చకు అవకాశమే లేకుండా పోయిందని ఆయా సంఘాలు, రాజకీయ పక్షాలు ఆందోళన వ్యక్తం చేశాయి. ఏఆర్‌ఆర్‌లపై ఈఆర్‌సీ ప్రజాభిప్రాయ సేకరణ నామమాత్రమే అయిందన్న అభిప్రాయం వ్యక్తం చేశాయి.

Latest News

 
అఫిడవిట్ దాఖలు చేయండి... భారతీ సిమెంట్స్‌కు కోర్టు ఆదేశాలు Tue, Feb 07, 2023, 12:33 AM
పార్టీ అదేశించినచోటు నుంచే పోటీ: సినీ నటుడు అలీ Tue, Feb 07, 2023, 12:13 AM
ఆ రోజు మాత్రం ఈ ఊరంతా ఖాళీ Tue, Feb 07, 2023, 12:00 AM
నర్స్ సోదరీముణులంటే నాకెంతో గౌరవం: బాలకృష్ణ Mon, Feb 06, 2023, 11:44 PM
ఎలాంటి ష్యూరిటీ లేకుండానే అదానీకి ఎలా రుణం ఇచ్చారు: చింతామోహన్ Mon, Feb 06, 2023, 11:42 PM