by సూర్య | Thu, Nov 24, 2022, 03:09 PM

ఏపీలో ప్రస్తుత విద్యా సంవత్సరం నుంచి టెన్త్ పరీక్షల్లో 6 పేపర్ల విధానాన్ని అమలు చేయాలని ప్రభుత్వం నిర్ణయించింది. సబ్జెక్టుకు ఒక పేపర్‌ చొప్పున 6 పరీక్షలు నిర్వహించనుంది. ఈ మేరకు ప్రభుత్వం ఉత్తర్వులు జారీ చేసింది. గతంలో ప్రతి సబ్జెక్టుకు 2 పేపర్లు, హిందీకి ఒక పేపర్‌ చొప్పున మొత్తం 11 పరీక్షలు ఉండేవి. కరోనా టైంలో వాటిని 7కు కుదించారు. అయితే భౌతిక శాస్త్రం, జీవశాస్త్రాలకు వేరువేరుగా పరీక్షలు నిర్వహించారు. అయితే ఇప్పుడు ఈ 2 సబ్జెక్టుల ప్రశ్నలను 2 వేర్వేరు విభాగాలుగా ఒకే ప్రశ్నపత్రంలో ఇవ్వనున్నారు. కానీ ఆన్సర్‌ బుక్‌లెట్లు మాత్రం రెండు ఇస్తారు. ఒక దానిలో ఫిజిక్స్, మరో దానిలో బయాలజీ ప్రశ్నలకు జవాబులు రాయాలి.