by సూర్య | Tue, Oct 04, 2022, 11:57 AM

విజయనగర్ కాలనీలో విద్యుత్ఘాతానికి గురై మృతి చెందిన కాకాని శామ్యూల్ కుటుంబాన్ని టిడిపి రాష్ట్ర అధికార ప్రతినిధి పిల్లి మాణిక్యాలరావు సోమవారం రాత్రి చీరాల ప్రభుత్వ ఆసుపత్రిలో పరామర్శించారు. విద్యుత్ అధికారులు, ఎలక్ట్రికల్ కాంట్రాక్టర్ నిర్లక్ష్యం వల్లే శామ్యూల్ మరణించాడని ఆయన ఈ సందర్భంగా పేర్కొన్నారు. నిరుపేద అయిన శామ్యూల్ కుటుంబాన్ని ప్రభుత్వం ఆదుకోవాలని, కోటి రూపాయల నష్టపరిహారం ఇవ్వాలని ఆయన డిమాండ్ చేశారు.

శామ్యూల్ కుటుంబానికి న్యాయం జరిగేంత వరకు టీడీపీ అండగా ఉంటుందని మాణిక్యాలరావు చెప్పారు. టీడీపీ యువ నాయకుడు అమర్ నాథ్, సీనియర్ నాయకులు డేటా నాగేశ్వరరావు, తేజ, పలువురు దళిత నేతలు కూడా పాల్గొన్నారు.